کله باد (۱)
کله باد خیزان،کله باد خیزان ژه دروه نان دنگ کله باد خیزان
زنجیره زرباف یخ بنان ریزان زمهریر ژه زور بازوش گریزان
بادی ون ژه برز روضه نعیمن عطر آلوده ی خاک کعبه ی عظیمن
تشریفش چوی بومسیحا ثانی فانیان بارن پری زنگانی
دم بو قله قاف سرکاوان شانا نامه ی بشارت شابهار وانا
خان دی ژه تخت جلالت توران سرزمین ژه لوث کثافت شوران
برفان ژه قله قاف ورکنه وه علف دانه ی در وه گردنه وه
سوسن همجوار جوخه نسرینن طرح نقاشی پرکنه چینن
کالای کرامت نمانانه وه خلعت پوشان کرد و بانانه وه
هنی گل خیزان هر یک وه رنگی ملان ملاوان هر یک وه دنگی
هم هی رن هی رن آهو رمانن هنی ساز و سویر تاف و چمانن
هنی دل مایل سیران دشته ن هنی دشت وینه ی اردی بهشته ن
هنی باغ محرم باخچه ی بنانه ن نسیم شانه زلف سیاه چمانه ن
«فیلی» وصف فصل شاه بهار وانا حقه قدر فیض رحمت بزانا
…
ملا حقعلی سیاهپوش
