- پایگاه خبری، تحلیلی میرملاس - https://www.mirmalas.com -

کموتر

laksoroodeh

 

اسدالله آزادبخت / سرویس منتظران :

***

روژل جنگ باره نظر تا بزونی گپم چیه
تا بزونی یه برّی شیرهیشتونه جا زمین سیه

کموترل چوشیرنیر بی باک اژ توپ وتفنگ
هرچوی گرم هُر مچیان جور سیمره پاک ویه رنگ

پنجره پر سینه ون بی تا لو خدا گِرّو نیاشت
دل بی قرار، مجنون دروین، وَ گرد خدا سرّ و نیاشت

آینه اِ داخ چَملو اَ ویر نویتی گپ راس
ارا یکه سیل و بهه وَ اسمی تر مهت هواس

پرده دی جا اسرار نووی که مَپوشای قامت راز
گِرگِر مَسِت اِ نوم دلا نمویا سیل پنجره واز

کَنی ارا کموترل هر روژ مَلاونی وَ مور
جا پاون ار سینه بوتی تاوژ تَورکی که چو هور

کموترل تا لو خدا سبقتُ نه یکه مَگرد
وَ خوین سور و عشق پاک اِ جال زمین بهشت و برد

شووی که وخت حمله بی زَله چوی وِی ملرزیا
ترس مَنیشت ار گوشه ای آوه مویان اِ ژیر پا

شیرل گردان خدا دستورُ نه خدا مگرت
بیدل وعاشق وطن اسیرُ نه هنا مگرت

مَپیچیا ار عرش وفرش ذکرِ شو اِ هرسنگری
تاگه جماران که مهت کُت کُت بال کموتری

کموترل بی چرچُ لرز تا نوم بهشت پرُ کیشا
آزاد و راحت اِ زمین اِ دسِ دوس می و نوشا

هر روژی که لَشی مَکت هور اِ خجالتَ مَمرد
لافاو اَسر چَمَلی تا لو خدا ریه مگرد

هرکوم چنه گردان حق دَسو رسی ار دَسِ دوس
گیونو نیا ار کف دس ثابتو کرد اوج خلوص

شووی که شال خیرتو مجرونر دور کمر
وَ خاطر امام وخاک بی باک اژ لشِ بی سر
========================
معنی بعضی از واژه ها

روژل=روزهای
برّی=عده ای
هیشتونه جا=جاگذاشتند،رها کردند
گرم هُر=رعدوبرق
مچیان=میرفتند
کنی=چشمه
سینه ون بی=سینه هایشان بود
لو=نزد،پیش،جوار
گِرونیاشت=مکث نداشتند
دروین-درون
چَملو=چشمهایشان
ویر=یاد،خاطر
هواس=گدایی
مَسِت=میسوخت
مَلاونی=میخواند
تورکی=تبرک
زله=زهره،جرات
چوی وَی=مانند بید
هنا=فریاد
کُت کُت=تکه تکه
چرچ=ترس
لَشی=جنازه ای
مجرونر=می پیچیدند