مرتضا خدایگان / میرملاس :
…
۱
خِرَه ماری زمین اِ دورِ چَمِت هُوَرِت ناسِه سیاتی قُورِ چمت
خدا دی تا قیامت دَس نِموری بسازی چی تِرِک اِ طورِ چَمِت
۲
ای چَمَلتَه اِ کو آوردیه یَه ؟ دل ای مَردِمتَه تا کو بردیه یَه؟
اَرا هَر سِیلی صد گیُونَه مَسینی لووی چَن لوو حِساوِت کِردیَه یَه؟
۳
مه کافر بیمه، دین چملت بار شو و روژ قوین چَمَلِت بار
دلم دی شِر بیه، پویترکیایه وِری دَرزَن هچینِ چملت بار
۴
وَ یَک بوشی و دو بوشی مَرقصِم دوسُو بوشی ، سِه سو بوشی مرقصم
دو دسماله، چَپی ، اِ لا کَتی ، راس وَ هَر سازی که تو بوشی مرقصم
۵
نیاته داخی أر دل، آ نِمَه چو خَمِت بار کَجَه، إ جا نمه چو
مِن و دل هَر دِکی لیوه تونیمِن ولی آومونَه یه جورا نمه چو
…