شعر لرستان

دل شَکَت بی‌و غزل سی تو پریشو می‌گُت

آه سردم مَتَلی تازه دِ زِمسو می‌گُت

میل می‌وَست اَسِر ور چش و سیلم گُم بی‌

چَق چَقِ رقصِ دِنُونم دِ لِره جو می‌گُت

می‌رِکِس چُی بی‌ لو جو غزلم غُژ کردی

رِی زمی وا چنگِ پُر خی دِ تو سی مو می‌گُت

می‌که تِمو دِلِ لیوه‌م همه شو جا پاتِن

تِ خدا عشقِ تُنِن وا چَش گریو می‌گُت

می‌گریوس کِ خدایا وِ امیدم وارَس

دونه دونه غصه‌یاشِن مِث بارو می‌گُت

چی پرندهِ کِ‌‌ رها بو دِ قفس پَر بیره

دورِ سر می‌زه دِ مین اوج و دِ زندون می‌گُت

وا رَمس خاو و هناسم مِث اوری دلگیر

داغِ ‌ای عشقِ جگر سوزِن آسو می‌گُت

عابد میرزاییان چگنی

توضیحات:

شَکَت: خسته/ میل: یخ بستن/می‌وست:می‌بست/اسر: اشک/ ور: جلو، مقابل/ لره: لرزه/ جو: جان/ می‌رکس: می‌لرزید/ بی لو جو: بید لب جوی آب/غژ: بیس کردن، قژ/ ری: روی/ زمی: زمین/ خی: خون/ تمو: تیمم/ دل لیوه: دل دیوانه/ جاپاتن: جای پاهایت/ تِ خدا: نزد خدا/ تنن: تو را/ چش گریو: چشم گریان/ وارس: برس، برآورده کن./ وارمس خاو: خواب از چشمم پرید/ آسو: آسان.

منبع : سیمره