شِرِک نامه
الهی شکر شرک کلنگ بی
شرک ای خصه تیکه بلنگ بی
الهی شکر شرک بیه آم
شرک پا نیای ایمشو ارجا پام
شرک ملاکت دم و پت خراو
نوم شرک نویسیا ار پرّه کتاو
کیه مزونی ای هوزه کیه ؟
ای سراو حموم ، نژاد لوطیه
جد هوز شرک تومک زنی بی
نپور و تویسگن یه چی گنی بی
جد هوز شرک دومن پتی بی
چن کفسول گاز، یه زون بتی بی
دول کو عروسی یا هن چمر بی
پیا نیم گزی تتک ای در بی
دول کو بیچاره بی مال و مآوا
یکی وت “رستم” ای ملک َ بیهوا
گوت که سیقت بام روم وه کجا؟
مسخرم کونن روم هر کجا
گوت ای شهپورن رو وه رومشکون
یا گه رومونی یا که آخه جون
شهپورن هیزگرت دول آیشتی ارشون
هره یورخه هت تاگه …………
شهپورن بنیا دول کووان نیای
یه رو چیه مال کدخدا پیای
پیا مهربون پیا دل رحمی
یه دتی داشتی کور یه چمی
دت هر منی چل سال سنی بی
باوه دولمن مال گن گنی بی
دول کو بیه شون وه زوما پیا
هسویره که مرد بیه کدخدا
ایسه هوز شرک کول ای دول کوون
کپولک قووین سوَطه سوون
شرک نزول حور شاوال بین حروم
بیه آخر خیر قاطر بی لخوم
